បុរសជាជនសង្ស័យម្នាក់ ត្រូវបានសមត្ថកិច្ចនគរបាលក្រុងបានលុង ចាប់ខ្លួន ក្រោយធ្វើសកម្មភាពឆក់ទូរសព្ទ័ដៃបុរសជនបរទេស
ខេត្តរតនគិរី៖ ដោយមានបទបញ្ជាយ៉ាងមុឺងម៉ាត់ពីលោកវរះសេនីយ៏ឯក ហួត បូរី អធិការនគរបាលក្រុងបានលុង កម្លាំងជំនាញព្រហ្មទណ្ឌក្រុងបានលុង សហការជាមួយកម្លាំងប៉ុស្តិ៍បឹងកន្សែង និងកម្លាំងប៉ុស្តិ៍ឡាបានសៀក នៅថ្ងៃទី៨ ខែកុម្ភៈ ឆ្នាំ២០២៥ វេលាម៉ោង១៥៖០០នាទី បានធ្វើការឃាត់ខ្លួនជនសង្ស័យចំនួន ០១ នាក់ នៅត្រង់ចំណុចភូមិឡាប៉ូ សង្កាត់យក្ខឡោម ក្រុងបានលុង ខេត្តរតនគិរី ពាក់ព័ន្ធករណីលួចមានស្ថានទម្ងន់ទោស (ឆក់ទូរសព្ទដៃ) និងករណីរក្សាទុកដោយខុសច្បាប់នូវសារធាតុញៀន កេីតហេតុនៅថ្ងៃខែឆ្នាំដដែល វេលាម៉ោង ០៤និង៤០នាទី នៅត្រង់ចំណុចផ្លូវចុះទួលមាត់បឹងកំសាន្តស្ថិតក្នុងភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី ។ ដោយមានការសម្របសម្រួលនីតិវិធីពីលោក លាង អ៊ូ ព្រះរាជអាជ្ញារង នៃអយ្យការអមសាលាដំបូងខេត្តរតនគិរី តាមរយៈទូរសព្ទលេខ ០៩៧ ៦៦ ៣៣៣៣៣។
ជនសង្ស័យមានឈ្មោះ ឈឿន តុន ភេទ ប្រុស អាយុ ៣១ឆ្នាំ ជនជាតិ ខ្មែរ មុខរបរ លក់ប្រហិត ទីលំនៅសព្វថ្ងៃភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី (ស្នាក់នៅបន្ទប់ជួល)។
សម្ភារៈវត្ថុតាងដកហូតរួមមាន៖
១- ម្ស៉ៅក្រាមពណ៌សថ្លាសង្ស័យជាសារធាតុញៀន ចំនួន ០១កញ្ចប់តូច។
២- ម៉ូតូចំនួន ០១គ្រឿង ម៉ាក ហុងដាឌ្រីម ពណ៌ខ្មៅ មិនស្គាល់ឆ្នាំផលិត គ្មានស្លាកលេខ លេខម៉ាស៊ីន ND125ME-8069269 និងលេខតួ 8069269
៣- ទូរស័ព្ទដៃម៉ាក oppo ពណ៌ផ្ទៃមេឃ បែកអេក្រង់។
៤- Case ទូរសព្ទដៃចំនួន ០១
៥- Visa Card ABA ចំនួន០១សន្លឹក,Card Aeroplan gold ចំនួន០១សន្លឹក,aeroplan card Visa ចំនួន០១សន្លឹក,Driver’s license Card ចំនួន០១សន្លឹក ,card ផ្សារទំនើបសុីត្រាចំនួន ០១សន្លឹក និង Name card Angkor Resources Corp មួយចំនួន។
៦- ទូរសព្ទដៃម៉ាក Samsung note Ultra S20 ពណ៌ខ្មៅ ចំនួន ០១គ្រឿង(របស់ជនរងគ្រោះ)
អំពីអង្គហេតុ៖ នៅថ្ងៃទី៨ ខែកុម្ភៈ ឆ្នាំ២០២៥ វេលាម៉ោង ៤ និង៤០នាទី ជនរងគ្រោះឈ្មោះ Mike Weeks ភេទ ប្រុស អាយុ ៦៩ឆ្នាំ ជនជាតិ កាណាដា បានដេីរហាត់ប្រាណ រៀងរាល់ព្រឹកជាប្រចាំនៅតាមបណ្ដោយផ្លូវជាតិទិសដៅពីត្បូងទៅជេីង លុះដល់ត្រង់ចំណុចផ្លូវដីក្រហមចុះទួលមាត់បឹងកំសាន្ត ស្ថិតក្នុងភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី ស្រាប់តែមានជនមិនស្គាល់អត្តសញ្ញាណចំនួន ០១នាក់ ជិះម៉ូតូម៉ាកហុងដាវេវ ពណ៌ខ្មៅ គ្មានស្លាកលេខ ធ្វើសកម្មភាពស្ទុះមកវាយដោយដៃ លេីខ្លួនចំនួន ៥ ទៅ ៦ ដៃ ចំឆ្អឹងជំនី ភ្លាមនោះជនសង្ស័យក៏បានស្រែកគំរាមរកលុយពីខ្លួន ហេីយខ្លួនប្រាប់ ថាគ្មានលុយទេ មានតែទូរសព្ទដៃ ហេីយជនសង្ស័យក៏បានស្ទុះដណ្ដើមយកទូរសព្ទដៃពីខ្លួន ដោយមានការវាយប្រតាយប្រតប់គ្នា ហេីយជនសង្ស័យក៏បានវាយបន្ថែមមកលេីខ្លួនចំនួន ០១ ដៃទៀត ត្រូវចំចំហៀងក្បាល បណ្ដាលអោយខ្លួនមានអាការៈវិលមុខ ក្រោយពីធ្វេីសកម្មភាពវាយមកលេីខ្លួនរួច ជនសង្ស័យខាងលើបានជិះម៉ូតូគេចខ្លួនបាត់តែម្ដង ដោយមិនដឹងថាជិះទៅទិសខាងណាឡេីយ ។ ជនរងគ្រោះក៏បានអោយឈ្មោះ ឃុន រស្មី ភេទ ស្រី អាយុ ៣២ឆ្នាំ ជនជាតិ ខ្មែរ ជាអ្នកតំណាងមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលបឹងកន្សែង ដេីម្បីអោយសមត្ថកិច្ចជួយធ្វើការស្រាវជ្រាវ ស្វែងរកជនសង្ស័យយកមកផ្ដន្ទាទោសតាមនីតិវិធី។
ជនរងគ្រោះមានឈ្មោះ Mike Weeks អាយុ ៦៩ឆ្នាំ ជនជាតិ កាណាដា មុខរបរ អគ្គនាយកក្រុមហ៊ុន Angkor gold មានទីលំនៅសព្វថ្ងៃភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី។
បច្ចុប្បន្នជនសង្ស័យ រួមទាំងវត្ថុតាងត្រូវបានឃាត់ខ្លួន និងរក្សាទុកបណ្ដោះអាសន្ននៅអធិការដ្ឋាននគរបាលក្រុងបានលុង ដេីម្បីស្រាវជ្រាវ និងកសាងសំណុំរឿងបញ្ជូនទៅអយ្យការអមសាលាដំបូងខេត្តរតនគីរី ចាត់ការតាមនីតិវិធី។
រាយការណ៍៖ ណាត ពៅ
