លោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប នាំយកគ្រឿងឧបភោគបរិភោគ ប្រគល់ជូនកងកម្លាំង កំពុងឈរជើងនៅតាមបន្ទាត់ព្រំដែន កម្ពុជា-ថៃ

ខេត្តសៀមរាប៖​ ថ្ងៃសៅរ៍ ១០កើត ខែអាសាឍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី៥ ខែកក្កដា ឆ្នាំ២០២៥ លោក ហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧)សាខាខេត្តសៀមរាប បានដឹកនាំលោក អនុប្រធាន លេខាធិការដ្ឋាន ប្រធានផ្នែក ប្រធានក្រុង ស្រុក និងសមាជិក សមាជិកា ទាំង១២ នាំយកគ្រឿងឧបភោគបរិភោគ ដែលបានពីការចូលរួមរបស់សមាជិក សមាជិកា និងសប្បុរសជន ប្រគល់ជូន ឧត្តមសេនីយ៍ទោ ជា សុភ័ក្រ មេបញ្ជាការរង និងជាមេបញ្ជាការប្រចាំទិសទី២ យោធិភូមិភាគទី៤ ដែលស្ថិតនៅស្រុកអន្លង់វែង ខេត្តឧត្តមានជ័យ ដើម្បីចែកជូនកងកម្លាំង កំពុងឈរជើងនៅតាមបន្ទាត់ព្រំដែន រវាងកម្ពុជា-ថៃ និងដើម្បីបង្កើនស្មារតីទទួលខុសត្រូវខ្ពស់រងចាំអនុវត្ត បទបញ្ជា និងគោលការណ៍ពីប្រមុខរាជរដ្ឋាភិបាលក្រោមការ ដឹកនាំរបស់ សម្តេចមហាបវរធិបតី ហ៊ុន ម៉ាណែត ក្នុងការការពារបូរណៈភាពទឹកដីនៃព្រះរាជាណាចក្រកម្ពុជា។